Portada Sociedá El recintu ferial d’Olloniego-Tudela “yá ye una realidá”

El recintu ferial d’Olloniego-Tudela “yá ye una realidá”

by redacción asturnews

El proyectu, que va salir a llicitación una vegada sían aprobaos los presupuestos municipales, va cuntar con una partida total de 1.100.000 euros. El plazu d’execución envalorar n’ocho meses.

El conceyal de Cultura, Roberto Sánchez Ramos; la conceyala d’Infraestructures, Ana Rivas; y la concejala de Patrimoniu, Cristina Pontón, presentaron esti martes 29 de mayu, el proyectu de la nueva feria que se va acometer nel polígonu de Olloniego-Tudela llueu. La construcción cunta con un presupuestu de 1.100.000 euros, que yá ta presente nos presupuestos municipales d’una forma biañal, conseñándose 100.000 euros anguaño y el restu para l’exerciciu que vien. Una vegada aprobaos los presupuestos empecipiará’l procedimientu de llicitación y envalórase que’l plazu para la execución va ser d’unos ocho meses. La corporación calcula que los trabayos de construcción van ser de máximu un mes mientres anguaño y el restu mientres 2019. “Ye un proyectu que va ocupar una parte importante del patrimoniu municipal y que naz frutu de la coordinación ente delles conceyalíes”, esplicó Sánchez Ramos, al par que resaltaba’l fechu de que ye un espaciu que’l conceyu d’Uviéu “venía precisando”. “Ye’l primer proyectu d’esti tipu qu’esistió n’Uviéu mientres los postreros 30 años”, amestó, añediendo qu’asina cumplen “unu de los oxetivos que se marcaron como Gobiernu”.

Los oxetivos del nuevu recintu ferial son dellos. De primeres, y principalmente, ta’l mercáu de ganáu, que volverá cuntar con un espaciu propiu dientro del conceyu d’Uviéu tres la desapaición del de Pumarín y l’éxodu” mientres años de la Feria de l’Ascensión a Llanera. Per otru llau, va ser un espaciu “modular y bien versátil”, en palabres d’Ana Rivas. Va Sirvir asina pa munchos otros usos como esposiciones y feries de too tipu, contribuyendo a la crecedera de la economía del conceyu” al definise como un espaciu capaz de responder a usos polivalentes.

Al respeutu de les característiques va tener una superficie construyida de 6.408 m2 d’un total de 13.200m2 totales, que son resultáu de la suma de la primer cifra con trés parceles municipales colindantes que nun van ser comercializaes.

Tamién te podria gustar