Portada Comunicación El Pulitzer 2006 inclúi por primer vez al periodismu dixital

El Pulitzer 2006 inclúi por primer vez al periodismu dixital

by asturnet

El Premiu Pulitzer de Periodismu, un de los galardones más prestixosos del mundu empobináu a profesionales de los medios de comunicación, inclúi na so convocatoria pa 2006 la posibilidá de distinguir noticies, reportaxes o opiniones publicaes n’Internet amás de les editaes en formatos non dixitales.

El Pulitzer va poder concedese’l prósimu añu a periodistes que los sos artículos aparezan en medios online, anque tovía nun se reconoz como talos a los blogger.La distinción estadounidense más prestixosa pa los medios escritos va admitir material divulgáu por internet nes sos catorce categoríes.

Ente los periodistes estadounidenses, el Pulitzer ye’l galardón más allampiáu y apreciáu. Dende 1917 premien cada añu los artículos más destacaos y ente los premiaos figuren nomes como Carl Bernstein y Bob Woodward, los reporteros del Washington Post que destaparon l’escándalu Watergate.

Tamién te podria gustar