El PSOE anuncia una seronda “caliente” na educación

El PSOE anuncia una seronda “caliente” na educación
03 setiembre 13:17 2017 Imprimir

El PSOE nun se ve dispuestu a que los cambeos más polémicos introducíos pola Lomce, que considera “demoledores” pal sistema educativu, puean caltenese por más tiempu y fai l’anuncia de que la seronda nun va ser tranquila.

El PSOE cree a nivel estatal que’l Gobiernu y el PP, cola escusa de la negociación del pactu d’Estáu pola educación, caltienen ‘sine die’ una llei refugada por tolos demás y conderguen a los alumnos de los colexos ya institutos, y a les comunidaes autónomes que los xestionen, a un paralís» y a la imposibilidá d’introducir cambeos que terminen cola segregación y la falta de equidad y d’oportunidaes a que, envaloren, condució l’aplicación de la norma popular.

Dende esti analís, Lluz Martínez Seijo, la responsable federal d’Educación del PSOE anunció esta selmana pasada “una seronda calentina en materia educativo”. La razón ye qu’el so partíu va presentar de momentu nel Congresu trés proposiciones de llei pa tratar de liquidar lo antes posible los aspeutos más polémicos de la Lomce que queden a valir tres la paralización de la puesta en marcha de les reválides, alcordada n’avientu pasáu.

Martínez Seijo refugó qu’esta ofensiva política vaiga poner en peligru les negociaciones pal pactu d’Estáu, nes qu’aseguró que’l PSOE va siguir trabayando y esforciándose «en paralelu». Xustificó que, a cencielles, tratar de cambeos «esenciales y urxentes» nel sistema educativu, qu’hai qu’encetar yá porque nun se sabe cuándo van acabar los trabayos para xuna nueva llei d’educación, o si van tener ésitu. «Hai munchos mozos nesti país que nun pueden esperar a que se cierren los alcuerdos», resumió.

Magar les palabres de la dirección socialista, entá ta por ver si la seronda va estropiar o non les posibilidaes d’algamar el gran pactu educativu, pero con seguridá va ser una fonte de grandes tensiones nel foru negociador, y nun solo col PP, sinón tamién posiblemente con Ciudadanos. Les trés proposiciones van introducir nel alderique políticu y parllamentariu inmediatu dalgunos de los puntos qu’ensin dulda más diben enzancar un hipotéticu alcuerdu na subcomisión, los más vidriosos, como l’asignatura de Relixón o los conciertos educativos.

La primera de les reformes de la Lomce pala que’l PSOE va buscar aliaos ye la que quier devolver la enseñanza de Relixón y la d’educación pa la ciudadanía a una regulación similar a la que teníen na última llei educativa socialista, modificada en 2013 pol PP. La iniciativa pretende quitar el valor académicu actual a Relixón (que nun cunte pa la nota media del cursu) y convertir n’obligatoria l’asignatura de Valores Cívicos, que la norma popular dexó n’optativa y la so aplicación n’alternativa a Relixón.

La mesma proposición de llei quier prohibir que puedan roblase conciertos o recibir subvenciones públiques los centros privaos que dixebren en distintes clases a neños y neñes, y estender los programes específicos de refuerzu p’alumnos con dificultaes educatives hasta cuartu de la ESO -agora solo posibles en segundu y terceru- y terminar colos itinerarios educativos qu’en terceru de la ESO obliguen a los alumnos a decidir si opten pel camín del Bachilleratu o pol de la FP.

  Categories: