El proyectu PromocionAvilés refuérzase con formación sobro patrimoniu

El proyectu PromocionAvilés refuérzase con formación sobro patrimoniu
26 xunetu 08:44 2018 Imprimir

Los participantes nel proyectu PromocionAvilés van reforzase con formación sobro patrimoniu industrial de la ciudá, al traviés de cuatro sesiones onde van analizar estos enclaves dende la perspectiva del so potencial como recursu turísticu.

PromocionAvilés ye una iniciativa municipal destinada a la integración sostenible de persones nueves nel mercáu de trabayu, concretamente nel sector turísticu. Y esti  xueves 26 de xunetu va tener llugar la primera de les cuatro sesiones formatives que les persones participantes nel proyectu PromocionAvilés avera del patrimoniu industrial d’Avilés y tamién d’Asturies. L’oxetivu d’esta formación ye’l d’analizar estos recursos dende la perspectiva del so potencial como recursu turísticu.

Les sesiones desenvolveránse los díes 26, 27, 30 y 31 de xunetu, de 9 a 14 hores, nel Centru de Empleo Europa.

Dos persones integrantes d’un colectivu multidisciplinar que ta empecipiando la so andadura na investigación y divulgación del patrimoniu industrial metalúrxicu, van ser les encargaes d’impartir los conteníos del taller. Son los siguientes:

  • Hestoria industrial d’Asturies y Avilés
  • Caltenimientu del patrimoniu industrial
  • Turismu Industrial

La última sesión va dedicase a realizar una salida pelos dos marxes de la ría d’Avilés, como exa vertebrador de la industria na ciudá.

El proyectu PromocionAvilés, empecipiáu col mes de mayu y empobináu a mozos menores de 30 años de la ciudá, pivota sobro l’oxetivu d’ameyorar la empleabilidá de les persones participantes, desenvolver les sos competencies personal y profesional y, coles mesmes, aprovechar eses competencies pal interés xeneral de la ciudá nel espardimientu de la so imaxe y la so promoción turística.

Dende’l so empiezu, 10 mozos (6 muyeres y 4 homes) realizaron yá talleres de:

  • Autodiagnóstico y esploración vocacional
  • Creatividá
  • Intelixencia Emocional
  • Marca Personal
  • Igualdad
  • Competencies dixitales
  • Autoemplegu

Toos ellos tuvieron dedicaos al entrenamientu de competencies tresversales ya imprescindibles pa un bon desempeñu profesional en cualquier oficiu. El proyectu PromocionAvilés ye conducente al llogru del certificáu de profesionalidá de nivel III “Promoción Turística Local ya Información al Visitante”.

  Categories: