Portada Sociedá El Proyectu Impulsa Modernización beneficia a 19 empreses de Xixón

El Proyectu Impulsa Modernización beneficia a 19 empreses de Xixón

by redacción asturnews

Esti llunes 11 defebrero a les 12:30 h, tuvo llugar la presentación de les resultancies de la primer fase del proyectu “Impulsa Modernización”, financiáu por Impulsa y nel qu’un grupu d’empreses de Xixón van beneficiase d’un serviciu de mentoring espertu que diseña ya implementa planes de modernización destinaos a meyorar la so competitividá.

Anguaño 19 empreses del nuesu conceyu atópense participando nel mesmu.

La finalidá d’esta convocatoria d’ayudes ye l’impulsu y la modernización del texíu empresarial xixonés al traviés de unservicio de mentoring espertu para l’afitamientu empresarial, que supongan un efectu incentivador de l’actividá económica del nuesu conceyu, según un efectu dinamizador del bienestar social local.

Establécense dos grandes bloques qu’arrexunten los sectores oxeto del proyectu:

1. Industria, comerciu mayorista y servicios de sofitu a la industria.

2. Comerciu minorista, servicios a les persones y hostelería-turismo.

Los interesaos en conocer más d’esti proyectu, taben convidaos a la presentación na que les empreses participantes y los consultores cuntaron de primera mano en qué consiste’l proyectu, hores, metodoloxía, cuál foi la so esperiencia y cualquier dulda que puedan tener al respective de el so funcionamientu y ventayes que puede ufiertar pa los vuesos negocios.

Nesta presentación participaron, acompañando a Impulsa, Carmen Moriyón, Alcaldesa de Xixón y María Calvo, Vicepresidenta de FADE, amás de les empreses consultoras encargaes del desenvolvimientu del proyectu, Tría Proyectos d’Innovación, Grupu PFS, según Centru SAT Xixón-Fundación CTIC.

Tamién se pudo conocer de primera mano, al traviés de les empreses participantes, como son Kalatos Servicios, Neoalgae, Sertiber, ARSI y Trainer, les sos esperiencies col desenvolvimientu del mesmu.

Tamién te podria gustar