El proyectu d’ociu alternativu d’Avilés entama un festival d’arte urbano

El proyectu d’ociu alternativu d’Avilés “Güei sálese” entama un festival d’arte urbano nel Parque del Muelle con una montonera d’actividaes en redol a la cultura del rap: música, baille, batalles de gallos, skateboard y talleres de graffitti.

La segunda edición del proyectu d’ociu alternativu “Güei sálese”, entamada pola conceyalía de Mocedá d’Avilés, sigue en marcha. Pa esti vienres, 12 d’abril, preparóse una nueva actividá, un festival d’Arte Urbano, en redol a la cultura del rap, que va tener llugar nel Parque del Muelle ente les 18 y les 21 hores.

El festival foi presentáu´l martes por Raquel Ruiz, conceyala de Mocedá d’Avilés, quien destacó la influencia que tien esta forma d’espresión tan rellacionada cola redolada urbana, como ye’l rap en toles sos aguaes, tien na actualidá ente los y les adolescente y moces de too el mundu, y n’Avilés nun ye esceición.

La música y el baille van ser los protagonistes de les propuestes, pero tamién s’entama un taller de pintura o graffitti, y tamién va haber skateboard mientres tol tiempu en que se desenvuelva’l festival.

El programa previstu ye’l que vien darréu:

• 18 a 19:30 hores. Batalla de gallos, na que dos contendientes improvisen lletres y danse el retruque a ritmu de rap.
• 19.30 hores. Exhibición de baille de Noelia, de l’Academia Luisa Núñez.
• 19.40 hores. Conciertu de rap con  La otra lliga.
• 20 hores. Conciertos de Lilpimp y Gatu negru.
• 20.30 hores. Exhibición de baille modernu pola Academia Luisa Núñez.
• 20.40 hores. Conciertu de rap con El covarón.

Les inscripciones van poder realizase hasta esti xueves11 d’abril, n’horariu entendíu ente les 10 y les 14 hores, y les 18 y les 20 hores, al traviés de trés víes:

Whatsapp al teléfonu 684 643 117.
Presencialmente nel Local Social Abiertu (C/ José Cueto, 46).
Instagram (hoysesaleporaviles).

Ye imprescindible que cada menor faiga entrega d’una autorización roblada por unu de el so tutores llegales, autorizando la participación nes distintes actividaes y l’usu de fotografíes tomaes pa les distintes redes sociales y plataformes.