Portada Educación El próximu procesu d’escolarización va incluyir yá los cambeos de la LOMLOE

El próximu procesu d’escolarización va incluyir yá los cambeos de la LOMLOE

by redacción asturnews
María Isabel Celaá - Foto: La Moncloa - Gobierno de España (https://www.flickr.com/photos/lamoncloa_gob_es/)

El Boletín Oficial del Estáu publicó nesi entamu del añu’l  testu de la nueva llei d’Educación, que va entrar a valir en 20 díes. Asina, el próximu procesu d’escolarización, pa l’almisión d’alumnos pal cursu 2021-2022, qu’entama en febreru, va incluyir yá dellos cambeos, tal que esplicó ayeri la conseyera, Carmen Suárez.

Nel casu del Principáu nun hai importantes cambeos al respective de la normativa actual, «tan solo añede indicaciones susceptibles d’introducir nos baremos, nos que se va tener en cuenta a les families monoparentales, l’alumnáu en procesu d’acoyimientu o tamién otres circunstancies, como los llares afectaos pola violencia de xéneru o con una discapacidá nel ámbitu familiar. Garantiza, poro, el permedio na almisión, la igualdá d’oportunidaes y la cohesión social», dixo la conseyera.

Suárez defende la LOMLOE porque «contien unos principios inspiradores absolutamente fundamentales, como’l cumplimientu de los Derechos de la Infancia, una educación con garantíes de equidad y la tresmisión de valores cívicos».

Tamién te podria gustar