ConceyosMúsica El programa “Uviéu Filarmonía” torna a les aules de 34 centros by redacción asturnews 22 de payares, 2021 written by redacción asturnews 22 de payares, 2021 3,1K La iniciativa Uviéu Filarmonía, entamada pola Fundación Municipal de Cultura, la Fundación Musical Ciudá d’Uviéu y la conceyalía d’Educación, vuelve de forma virtual tres l’ésitu collecháu l’añu pasáu y va tar presente darréu nes aules de 34 centros educativos. El presidente de la FMC, Jose Costillas, la presidenta de la Fundación Musical, Pilar Rubiera, y la concejala d’Educación, Lourdes García, presentaron esta mañana esta segunda edición cola que pretende espertase vocaciones y afición ente los más nuevos y caltener viva la llapada de la música a la espera de que los alumnos puedan volver a los conciertos presenciales nos teatros municipales. Uviéu Filarmonía: Música na Escuela ye un programa que, un añu más, volverá ufiertase de forma virtual a la espera de que los alumnos puedan volver a los teatros municipales p’asistir a conciertos de forma presencial. Según destacó’l conceyal de Cultura, José Costillas, esta iniciativa, na que “conflúi cultura y educación” tien como oxetivu “llevar la música clásica a les aules y amosar l’actividá de la Fundación Musical (…) pa espertar la molición y l’afición poles artes ente los más nuevos (…) Ye la meyor manera de consiguir adultos qu’amen y consuman cultura”. Dende esta selmana y hasta mayu, los 34 centros educativos del conceyu d’Uviéu xuntaos a esta iniciativa (20 colexos de Primaria, 5 de IES de Secundaria, 7 centros de dambos ciclos y 2 d’Educación Especial) van tener accesu a 7 conciertos y les sos respectives unidaes temátiques nes que la marioneta Evaristo, dirixíu por Gustavo Moral, dirá averándo-yos, ente otres, pieces de Mozart, Beethoven y música pa Ballet, tres l’ésitu de les zarzueles propuestes l’añu pasáu. “Una actividá bien enriquecedora, na que tenemos qu’estimar la implicación de el profesores y l’ilusión del alumnáu qu’echa de menos les esperiencies en directu que tuvimos que paralizar pola pandemia. (…) Esperemos que llueu podamos recuperar los conciertos nel Campoamor y na Filarmónica”, indicó Rubiera, quien tamién defendió que “anque la programación pueda ser modesta enséñanos a tar nesta vida de manera más lluminosa y comprometida” calteniendo “viva la lluz de la música tan representativa d’esta ciudá”. 0 FacebookTwitterPinterestEmail Anterior La Universidá inclúi’l xéneru non binariu nos sos impresos siguiente “Pelegrinos: un Camín interior” espón otra semeya de los caminantes a Santiago Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu... Fitoria torna nueve años depués a brillar en...