El programa auLAB llega más de trés mil alumnos avilesinos

El programa auLAB llega más de trés mil alumnos avilesinos
15 mayu 09:06 2019 Imprimir

3.218 alumnos y docentes de los colexos Santu Ángel, San Fernando y l’Institutu d’Educación Secundaria Menéndez Pidal tán participando esti cursu nel programa ‘auLAB. Escueles pal sieglu XXI’, de Llaboral Centru d’Arte y Creación Industrial, impulsáu pola Fundación Alcoa y empobináu polos artistes María Castellanos, Alberto Valverde y Daniel Romero.

El programa pretende contribuyir a la innovación metodolóxica de los centros escolares asturianos, ameyorando’l procesu d’aprendizaxe del alumnáu y el de la enseñanza del profesoráu. Dende la so inauguración, el cursu pasáu, la so participación dende los 270 estudiantes y profesores aumentó exponencialmente.

El desenvolvimientu del programa ta basáu en diverses esperiencies educatives afeches a los distintos ritmos d’aprendizaxe, según la ufierta de talleres rellacionaos con tecnoloxíes innovadores. Nesti sentíu, el 31 de mayu va tener llugar en Llaboral Centru d’Arte un seminariu empobináu a un centenar d’estudiantes centráu na fabricación dixital, nel que van trabayar tamién coles ferramientes de diseños 3D y otros preseos y materiales electrónicos, amás d’afondar na creación multimedia con Unity o’l ‘mapping’ interactivos, ente otros.

Los artistes María Castellanos, Alberto Valverde y Daniel Romero van impartir esti seminariu que va ufiertar un aproximamientu teóricu-práctica a les tecnoloxíes ‘open source’ (arduino); al diseñu y la fabricación dixital (con ferramientes de diseñu 3D y máquines de corte láser); a los sistemes interactivos, al traviés de la programación de sensores y actuadores conectaos a Arduino; a la creación multimedia interactiva al traviés de Unity y al ‘mapping’ interactivos.

Llaboral Centru d’Arte y Creación Industrial impulsa dende va siete años AuLAB, cola participación de la conseyería d’Educación y Cultura del Principáu y, nos postreros dos años, el financiamientu de la Fundación Alcoa. L’añu pasáu llegó hasta’l Colexu Públicu de Llaranes, nel que la Fundación Alcoa invirtió quince mil dólares nun llaboratoriu qu’inclúi imprentadores 3D, xuna cortadora láser de vinilos y cuatro robots, ente otros preseos.

Esta esperiencia d’anovación pedagóxica, basada nel trabayu por proyectu, integrase nel sistema educativu regláu y tien como oxetivu promover l’usu crítico y creativo de les tecnoloxíes.

El programa participó en distintos alcuentros internacionales coles instituciones claves na investigación educativa y en 2013 recibió’l premiu al Meyor Programa Pedagóxicu nos RAC, los premios del arte contemporaneo nacional, entamaos pol Institutu d’Arte Contemporaneo. Tamién foi candidatu a los premios europeos NICE por unu de los meyores proyectos europeos d’innovación educativa en 2016.

  Categories: