El Programa Arte nel Barriu presenta’l Proyectu Entremares

02 marzu 09:13 2018 Imprimir

El CMI Atenéu La Calzada, na so Sala d’esposiciones, presenta esti vienres 2 de marzu a les 19.30 hores el Proyectu Entremares.

Proyectu Entremares ye’l nuevu proyectu musical del clarinetista-saxofonista José Luis Fraga y el guitarrista Daniel Santos. Entremares, el so discu debú, ye un sólidu proyectu qu’abluca pola variedá d’ingredientes musicales que contien.

El grupu supo forxar un estilu propiu que combina a la perfección la música clásica, l’atlántica, el jazz y el flamencu. El so soníu sobrevuela distintos paisaxes musicales como choros, fandangos, mornas, soníos atlánticos y ritmos celtes.

El dúo goció d’una calorosa acoyida de los medios, y tuvo presente en RNE, Radio 3, Radio Clásica o Radio 5. Santos y Fraga lleven tolos golores y soníos del Atlánticu por diversu puntos del mundu presentando’l so nuevu trabayu Entremares (Youkali Music, 2017).

  Categories: