El programa “Al Aldu” cambia d’imaxe y horarios

28 ochobre 10:36 2010 Imprimir

Dos de los espacios del programa de la TPA, “Al Aldu” cambien d’horariu de magar la selmana que vien, primera de payares. Un cambiu al que va sumase nes próximes selmanes otros dos bien importantes, la renovación de la imaxe d’Al Aldu, dempués de cuasi cuatro años n’antena, y l’adaptación del espaciu al formatu 16:9 d’emisión que ta implantando la TPA.

Los horarios nuevos:

“Xente de casa”, que da noticies orixinales del mundu enteru, cuntando cola presentación d’Inaciu Galán, pasa a emitise los martes a les nueve y cuartu la mañana.

Asina, “L’axenda”, programa presentáu por Mercedes Menéndez dedicáu a dar anuncia de les actividaes culturales que se desenrrollen a lo llargo la selmana n’Asturies, pasa a emitise los xueves a les 9:15 hores.

Los demás espacios siguen nel so día d’emisión habitual. Los monólogos de “La Risión”, con dellos actores, los llunes; les “Recetes con cuentu” de Milio’l del Nido los miércoles; y Carlos Suari y el deporte asturianu en “A galmiaes”, los vienres. Dellos de los programes repítense amás n’otros horarios y na fin de selmana.

  Categories:
Loading Facebook Comments ...