Portada Sociedá El procesu del PlanHUCA va aldericar les propuestes ciudadanes nun taller abiertu

El procesu del PlanHUCA va aldericar les propuestes ciudadanes nun taller abiertu

by redacción asturnews

El programa d’actividaes previstu pal PlanHUCA sigue estosdíes 21 y 22 d’avientu cola celebración nel Institutu Asturianu d’Alministración Pública “Adolfo Posada” (IAAP) d’un multi-taller de trabayu cola ciudadanía a partir de les resultancies llograes al traviés de les distintes canales de participación abiertos.

El procesu del PlanHUCA va aldericar les primeres propuestes ciudadanes nun taller abiertu al públicu a partir de los llograo demientres les pasaes selmanes (cuestionariu online, puntos itinerantes, entevistes, dispositivos n’equipamientos). Los talleres van desenvolvese ente les 19 y les 21.00 hores.

Cada unu de los talleres, con una duración averada de dos hores, va desenvolvese en grupos d’un máximu de trenta persones. Por ello, ríquese inscripción previa unviando los datos personales al corréu planhucagmail.com antes del próximu 20 d’avientu. Mientres la celebración de los talleres habilitaráse un espaciu infantil pa favorecer la conciliación y va incorporase un serviciu d’interpretación en llingua de signos según la demanda (solicitar cola inscripción al taller).

Nel taller d’esti miércoles día 21 d’avientu va trabayase colectivamente sobre los usos y pautes de diseñu pa la futura reordenación en redol al vieyu HUCA, coles distintes propuestes que darréu van formar parte de les bases del concursu d’idegues que supon la siguiente fase del protocolu robláu ente’l Conceyu d’Uviéu y el Principáu d’Asturies. Pela so parte, el xueves día 22 d’avientu van plantegar de forma conxunta los usos ya iniciatives del “mentanto” pa dotar d’una nueva vida al vieyu HUCA mientres el procesu de reordenación.

Hasta’l próximu mes de marzu, frente al Teatru Campoamor, instalóse una esposición sobre’l PlanHUCA, con tola información relativa al procesu desenvueltu pola empresa Paisaxe Tresversal, que se va dir ampliando coles meyores de resultancies pa la concreción de les pautes de diseñu y usos del “mentanto” del vieyu recintu sanitariu.

Tamién te podria gustar