El Principáu y Avilés coinciden nes llínees formatives a reforzar nel futuru

El Principáu y Avilés coinciden nes llínees formatives a reforzar nel futuru
22 xineru 17:32 2021 Imprimir

El Conceyu d’Avilés y el gobiernu del Principáu tán d’alcuerdu nes llínees a siguir nes polítiques de formación que contribuyan a la xeneración d’emplegu. Nuna xunta vcelebrada esta selmana apautose modernizar la ufierta p0afaela a la demanda de les empreses y contribuyir a la xeneración d’emplegu.

El Conceyu d’Avilés y el gobiernu del Principáu tán d’alcuerdu nes llínees a siguir nes polítiques de formación que contribuyan a la xeneración d’empléu. Tratase de “modernizar” la ufierta formativa afaciéndola a les necesidaes de les empreses, según esplicó’l conceyal de Formación y Emplegu, Juan Calos Guerrero, que caltuvo dos alcuentros telemáticos col director xeneral d’Emplegu y Formación, Pedro Fernández-Raigoso y cola directora del Serviciu Públicu d’Empléu del Principáu d’Asturies (SEPEPA), Pilar Varela y el so equipu técnicu.

Dambes xuntes llevaronse al cabu al traviés de la plataforma TEAMS y encetaron cuestiones importantes pa la ciudá d’Avilés en materia de formación y emplegu. Les principales temes que se trataron fueron la evaluación de la formación que se ta impartiendo anguaño nel conceyu, los nuevos certificaos de profesionalidá a desenvolver n’Avilés, un analís de les actuales polítiques actives d’emplegu, ente otres como la creación de la futura Mesa de Formación Profesional, el trabayu realizáu poles empreses d’insertamientu, la acreditación de les competencies profesional y uno valoración sobro nueves formes de collaboración ente dambes alministraciones.

Tolos aspeutos encetaos nes dos xuntes telemátiques tán rellacionaos coles necesidaes actuales y el futuru d’Avilés. Juan Carlos Guerrero y l’equipu técnicu de Formación y Empléu siguieron les xuntes, primero con Fernández-Raigoso y darréu con Pilar Varela, dende les instalaciones del Centru de Empleo Europa al traviés de la plataforma Teams.

  Categories: