Portada Patrimoniu El Principáu tresllada al miércoles la entrada gratis al Muséu’l Xurásicu

El Principáu tresllada al miércoles la entrada gratis al Muséu’l Xurásicu

by asturnet

La entrada gratuita al Muséu’l Xurásicu d’Asturies (MUXA), allugáu costa de Colunga, sedrá definitivamente los miércoles. Asina lo alcordó el Gobiernu’l Principáu, que nun principiu estableciera’l martes como xornada de visita gratuita al equipamientu cultural y qu’agora rectifica por razones, según el propiu Executivu, por “razones operatives que cinquen a la organización y funcionamientu del Muséu”.

El cambiu tá yá ratificáu nel Boletín Oficial del Principáu d’Asturies (BOPA), que publica la midida na so edición del llunes 19 d’abril y camuda un matiz na regulación de les tarifes d’entrada al muséu, afitada nel Decretu 23/2004, de 25 de marzu, y espublizada nel BOPA cinco díes depués.

D’esti mou, el públicu podrá acceder gratis al Muséu’l Xurásicu d’Asturies tolos miércoles del añu, amás de cada 18 de mayu, fecha na que se cellebra’l Día Internacional de los Museos.

Tamién te podria gustar