ComunicaciónEducaciónPolíticaSociedá El Principáu quier ameyorar Eslema y abellugalu nos sos servidores by redacción asturnews 24 de mayu, 2022 written by redacción asturnews 24 de mayu, 2022 3,3K La Conseyería de Cultura, Política Llingüística y Turismu fizo anuncia esti martes de que ta rematando meyores técniques pa facilitar la traducción automática en llingua asturiana al traviés del portal gratuitu Eslema, basáu nel sistema llibre d’Apertium. L’oxetivu del Gobiernu d’Asturies ye que l’asturianu algame un desenvolvimientu tecnolóxicu asemeyáu al d’otres llingües. Los técnicos trabayen n’Eslema.2, una versión actualizada del portal abiertu que nel 2008 punxo en marcha’l Gobiernu del Principáu en collaboración cola Universidá d’Uviéu. Les meyores van dexar usar la ferramienta en toa clas de dispositivos y van incorporar modificaciones llingüístiques empobinaes a llograr una traducción más natural y fluyida en cualquiera de los dos sentíos castellanu/asturianu o asturianu/castellanu. D’esta manera, sigun asoleyaba la Conseyería na web de Política Llingüística, van incorporase a Eslema.2 correcciones gramaticales, regles nueves de traducción y l’actualización de la toponimia y la microtoponimia. Amás, el traductor va sumar 1.800 entraes nueves y 350 unidaes fraseolóxiques de meyores estilístiques que consigan un asturianu más natural y adaptao al mundu actual. La previsión ye que les meyores incorporaes a Eslema.2, que va agospedase nos sirvidores del Principáu en llugar de los de la Universidá d’Uviéu como hasta agora, tean en marcha nel últimu trimestre d’esti añu. Los técnicos de la Dirección Xeneral de Política Llingüística y la Dirección Xeneral d’Estratexa Dixital, amás de los espertos de la empresa Imaxin Software, pionera nesti campu, trabayen coordinaos pa implantar los cambios que seyan quién p’ameyorar los resultaos de traducción y ampliar el númberu d’usuarios de la ferramienta. Pa evaluar la calidá de la traducción automática gárrense como referencia los indicadores BLEU, un sistema que representa gráficamente los resultaos. La espectativa ye que l’Eslema.2 algame un índice BLEU ente 70 y 80. Les ratios habituales consideren qu’un rexistru penriba de 60 acreita un “bon traductor”. L’añu pasáu Eslema atendió mediu millón de consultes de 42.000 usuarios distintos. 0 FacebookTwitterPinterestEmail Anterior El Cervantes va facilitar l’aprendizaxe del español a los refuxaos d’Ucrania siguiente L’Academia restablez requisitos previos a la pandemia pa optar al Oscar Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón