Sociedá El Principáu prepara tres nueves campañes de propaganda en tornu a la marca ‘Asturias adelante’ by asturnet 3 de xineru, 2005 written by asturnet 3 de xineru, 2005 19 Otros 515.000 euros pa tresmitir el mensaxe de qu’Asturies avanza. El Principáu convoca nel primer Boletín Oficial del nuevu añu un concursu p’alxudicar tres campañes de comunicación y la renovación gráfica de la marca ‘Asturias adelante’, que volverá a prensa escrita, medios audiovisuales y valles publicitaries pa reivindicar la bona xestión del Gobiernu autonómicu. La empresa a la que se-y alxudique’l nuevu bloque de campañes d’autopromoción recibirá mediu millón d’euros tanto pa diseñar y ellaborar los orixinales de les tres nueves actuaciones de propaganda, como p’actualizar la imaxe del ‘Asturias adelante’ que se-yos presenta a los ciudadanos, con un plazu de presentación d’ufiertes que rematará’l 11 de febreru. A partir d’esa fecha, y tres d’elixir a una empresa ente toles que concurran al concursu, la publicidá institucional tendrá un plazu d’execución de diez meses. Asina lo precisa un anunciu publicáu güei nel primer Boletín Oficial del Principáu de 2005, nel que s’encamienta a les firmes interesaes en presentase al concursu a qu’empobinen les sos solicitúes a la sé de la Conseyería de Cultura, Comunicación Social y Turismu, allugada na Plaza’l Sol d’Uviéu. Les anteriores ediciones de la campaña ‘Asturias adelante’ suscitaron el refugu de parte de la ciudadanía, que censuró l’emplegu de dineru públicu en grandes campañes de propaganda institucional pa presentar la imaxe d’una Asturies n’espoxigue, mientres los indicadores socioeconómicos debuxaben una comunidá con discretu xorrecimientu económicu, perda de población y altes tases de paru y emigración xuvenil. Convocatoria’l concursu nel BOPA 0 FacebookTwitterPinterestEmail Anterior El portal Música Libre ufierta de baldre un CD recopilatoriu pa regalar pa los Reis Magos siguiente La gaitera de rabil Celia González presenta en públicu el so primer discu como solista Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...