El Principáu pieslla tolos centros doncentes nun universitarios n’Uviéu

El Principáu pieslla tolos centros doncentes nun universitarios n’Uviéu
12 marzu 14:05 2020 Imprimir

El Gobiernu del Principáu vieno acabante compunicar que van pesllase a partir de mañana tolos centros educativos non universitarios del conceyu d’Uviéu mientres catorce díes revisables como midida preventiva énte la epidemia de coronavirus, que yá dexa n’Asturies 46 caso y un fináu recién na rexón.

La noticia diola esta mañana’l conseyeru de Salú, Pablo Fernández, quien dixo que l’Executivu nun refuga nueves midíes en función de la evolución de la epidemia y, coles mesmes, decretó’l zarru del colexu Santu Ánxel d’Avilés en confirmándose el positivu d’un alumnu venceyáu col focu del centru de la Fundación Masaveu d’Uviéu.

Asturies rexistra yá 46 caso por coronavirus, siete más qu’ayeri, cuando se produció’l primera fináu na rexón, un varón de 68 años con patoloxíes previes que taba ingresáu nel Hospital Universitariu Central d’Asturies (HUCA) n’estáu grave.

  Categories:
Loading Facebook Comments ...