ConceyosEscéniquesLliteraturaMúsica El Principáu entama un alcuentru cultural en redol al eonaviego by redacción asturnews 24 de payares, 2022 written by redacción asturnews 24 de payares, 2022 3,1K El Principáu pon en marcha Xuntoiro, un alcuentru cultural en redol al eonaviego que se va desenvolver n’A Veiga los sábados 26 de payares y 3 d’avientu, y qu’inclúi actividaes lliteraries, musicales y escéniques gratuites en gallego-asturianu. El Gobiernu d’Asturies pon en marcha Xuntoiro, un alcuentru cultural en redol al eonaviego que va axuntar propuestes lliteraries, musicales y escéniques coal fin d’amosar la vitalidá creativa d’esta llingua. La Conseyería de Cultura, Política Llingüística y Turismu impulsa esta nueva iniciativa, que va tener llugar n’A Veiga, y qu’inclúi una amplia programación d’actividaes gratuites pa tolos públicos. El Xuntoiro va celebrase los díes 26 de payares y 3 d’avientu y va tener les sos principales localizaciones nel auditoriu y la casa de cultura, gracies a la collaboración del Conceyu d’A Veiga. El programa va arrincar el próximu sábadu cola xornada Riada lliteraria, qu’inclúi un paséu pola ría del Eo cola participación de les y los autores Yolanda Castañu, Sergio Gutiérrez Camblor, Miguel Rodríguez Monteavaro, Belén Ricu Prieto, Carmen Siñeriz y Ugia Pedreira. L’Auditoriu Félix Menéndez va acoyer l’estrenu d’A lluz, Orión y a nova lluz, una propuesta lliteraria, musical y escénica, que conecta la poesía coles nueves formes d’espresión audiovisual del sieglu XXI. La xornada va completase cola mesa redonda A narrativa eonaviega, moderada por Ricardo Saavedra, y na que van tomar parte Rafael Cascudo, Emma Méndez y Christian Llanza. Finalmente, va presentase’l llibru Contos eonaviegos, editáu por Cultura para celebrar la 43 Selmana de -yos Lletres Asturianes, y qu’axunta 28 collaboraciones con lliteratura en prosa del estremu occidental d’Asturies. El públicu infantil va convertise en protagonista’l sábadu 3 d’avientu, con una xornada apinada d’actividaes gratuites para tolos públicos, como cuentacuentos, talleres, teatru y conciertos. 0 FacebookTwitterPinterestEmail Anterior Xixón celebra’l Día Internacional de la Eliminación de la Violencia contra la Muyer siguiente Iniciativa reclama a ITVASA l’usu del asturianu y de la toponimia oficial Tamién te podria gustar Iniciativa pol Asturianu y Barbón desixen a Adif... Payares acueye les XLI Xornaes Internacionales d’Estudiu de... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre La llangreana Beatriz Quintana gana’l premiu de narrativa... Nun Tris abre les Xornaes del Festival Nel... El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient