Emigración El Principáu destina 185.000 euros pa trayer a Asturies a emigrantes ausentes hai venti años by asturnet 9 de xunu, 2004 written by asturnet 9 de xunu, 2004 33 Emigrante asturianu, mayor de 65 años y ausente hai más de dos décades. Esi ye’l perfil al que se dirixe la operación ‘Señaldá 2004’, promovida pol Gobiernu autonómicu pa sufragar el viaxe y una estancia de quince díes n’Asturies a emigraos que quieran realcontrase col so país, un programa pal que l’Axencia Asturiana d’Emigración destina un presupuestu de 185.000 euros. Según un comunicáu asoleyáu güei por esti organismu, del que ye titular Luis Miguel Fernández Romero, el plazu pa solicitar una plaza nos vuelos de regresu a Asturies acabará’l prósimu 16 de xunetu, y queda abierta la puerta a una eventual almisión de solicitantes que, siendo menores de 65 años d’edá, lleven a lo menos 45 años ensin regresar al so país. De pasu, los emigrantes que vuelvan a afincase n’Asturies podrán solicitar, tamién a partir de güei, una ayuda aconómica cola que pagar gastos estraordinarios causaos pol retornu o cubrir necesidaes monetaries derivaes de la situación na que queden los asturianos que regresen del estranxeru. El plazu pa pidir formalmente una d’eses ayudes pa emigrantes retornaos, pa les que’l Gobiernu acuta una partida de 120.000 euros, pesllaráse’l 30 de setiembre prósimu. Entrarán dientro de los requisitos de la convocatoria dos colectivos distintos: D’un llau, los asturianos retornaos, los sos familiares y los sos descendientes hasta’l segundu grau de consanguinidá, con nacionalidá española y que volvieren p’Asturies como máximo hai dos años. En segundu llugar, podrán solicitar les ayudes los emigrantes asturianos que tean temporalmente n’España, mesmo que los sos familiares, siempre que la causa que motiva la solicitú tea xenerada en territoriu l’Estáu 0 FacebookTwitterPinterestEmail Anterior Valencia premia a López Otín, docente na Universidá d’Uviéu, pola so investigación contra’l cáncer siguiente Llangréu aconceya na so nueche folk a Dixebra, Batulax, Ciquitrinos y Llangres Tamién te podria gustar Educación suspende una charra pa profesores sobro alumnos... Proyéctase en La Pola la película “La plomada” Hevia presentó en Lorient dos años de la... Iniciativa abre una nueva edición de los sos... Xinebra celebró’l Día de les Lletres El Centru Asturianu de Sevilla echa sidra solidaria Los asturianos de São Paulo celebren so tradicional... Asturies abre’l ciclu de cine turísticu Spanien, ein... IX sofita pla plataforma REALCE de defensa de... El Centru Asturianu de Madrid anuncia los sos...