Portada Conceyos El Principáu concede una subvención de 4.287 euros al Muséu d’Avilés

El Principáu concede una subvención de 4.287 euros al Muséu d’Avilés

by redacción asturnews

La Conseyería de Cultura, Política Llingüística y Turismu concedió al Muséu de la Hestoria Urbana d’Avilés una subvención de 4.287,10 euros dientro de la nueva convocatoria empobinada a entidaes locales para la realización d’inversiones en museos y colecciones museográfiques.

L’importe d’esta ayuda va ser destináu a collaborar nel gastu causáu pola inversión en nuevos equipamientos, destinaos fundamentalmente a la reubicación de modelos/maquetes y la esposición de la donación por Ceferino Puente Fernández-Ponte de los exemplares de “El Diariu d’Avilés” (1891). Esta subvención algama’l 50% del importe de les inversiones realizaes (8.574,20 €).

Xuntu al muséu avilesín tamién llograron subvención diversos museos y colecciones d’otros conceyos como Cabranes, Carreño, Grau, Quirós y Somiedu. Anguaño atópase en tramitación l’habitual convocatoria de subvenciones que tolos años realiza la Conseyería de Cultura, Política Llingüística y Turismu para’l caltenimientu ordinariu d’esti tipu d’equipamientos culturales.

Tamién te podria gustar