Portada Comunicación El Principáu avera l’asturianu a la mocedá cola Seronda Moza

El Principáu avera l’asturianu a la mocedá cola Seronda Moza

by redacción asturnews

El Principáu va averar l’asturianu a la mocedá al traviés de la cultura y l’ociu na xornada Seronda Moza que tien de celebrase esti próximu sábadu, día 26, en Llanera ya inclúi actividaes gratuites pa públicu de 16 a 35 años.

El Principáu suma un nuevu recursu para averar la llingua asturiana al públicu mozo. L’eventu Seronda Moza, que va tener llugar el próximu sábadu, día 26, en Llanera, naz coles mires de que les persones más nueves pueden esfrutar d’una ufierta cultural y d’ociu gratuita y n’asturianu. La primer edición va celebrase’l IES de Posada.

El programa d’actividaes, diseñáu pola Conseyería de Cultura Política Llingüística y Turismu, inclúi un mercáu cultural y d’asociaciones nel que van participar empreses y entidaes que desenvuelven la so actividá en llingua asturiana. Amás, van desenvolvese distintos talleres y l’ufierta musical va incluyir una jam session coral para afaer dos tarrezas tradicionales n’asturianu, según un conciertu del grupu Llevólu’l Sumiciu.

La programación ye gratuita, pero la participación nos talleres rique d’inscripción previa nel corréu electrónicu serondamozagmail.com. Nun ye necesariu cuntar con conocencies d’asturianu para participar nes actividaes que se van llevar a cabu. Los talleres van encetar temes tan desemeyaes como la cocina, l’actividá física, la creación de complementos, la composición de rap o la ellaboración d’un cosplay al traviés del reciclaje de distintos elementos.

L’eventu va tener llugar el próximu sábadu en Llanera ya inclúi actividaes gratuites pa públicu de 16 a 35 años
Una feria d’asociaciones, talleres y conciertos completen la programación d’esta primer edición

Tamién te podria gustar