El Principáu autoriza a les guarderíes grupos d’hasta 18 neños per sala

by redacción asturnews | agosto 11, 2020 6:57 pm

El Principáu vieno acabante aumentar la ratio de neños por cuidador nos sos cuatro xardinos d’infancia encamentando a les 80 guarderíes privaes qu’hai autorizaes na rexón qu’asuman el mesmu modelu, que va dexar cuntar con grupos d’hasta 18 neños d’ente dos y trés años, frente a los cinco que tán autorizaos na actualidá.

Pa los ñácaros de menos d’un añu plantega grupos d’un máximu d’ocho por cuidador, el doble lo establecío agora, ente que pa los neños d’unu a dos años déxense sales con un máximu de 13, frente a los cinco que se plantegaben nel protocolu aprobáu a principios de xunu y que munches guarderíes privaes cionsideraron invidable. El Gobiernu d’Asturies ampliaba asina agora l’aforu de los xardinos d’infancia públicos y aprobó un nuevu procedimientu de seguridá, que tamién encamienta siguir a les 80 guarderíes privaes autorizaes pola Conseyería de Derechos Sociales y Bienestar.

Nos xardinos d’infancia públicos (unu n’Uviéu, dos en Xixón y unu n’Avilés), nos que se va dar prioridá a les families, monoparentales o non, que los sos padres trabayen fuera de la casa, aumentóse l’aforu y pa favorecer la conciliación, según señaló nun comunicáu la conseyera de Derechos Sociales y Bienestar, Melania Álvarez.

El númberu de menores va definise en función de la disponibilidad de los profesionales pa cumplir ratios, diseñaes por edaes: nos grupos de 0 a 1 años establecerá un máximu d’ocho alumnos per sala y educadora; nes aules de 1 a 2 años aporta a 13 neños per profesional, y nes de 2 a 3 años cada educadora va trabayar con un máximu 18.

Los profesionales y usuarios tendrán de cumplir les midíes d’hixene, desinfección y prevención que s’establecen nesti nuevu protocolu y toles sales y el material desagafarán antes de cada usu.

Source URL: http://asturnews.com/el-principau-autoriza-a-les-guarderies-grupos-dhasta-18-nenos-per-sala/