El Principáu amonta les restricciones de movilidá ya interacción social

by Próspero Morán | diciembre 30, 2020 8:34 am

La Presidencia del Principáu d’Asturies publicó un Decretu con fecha del 21 d’avientu pol que modifica les midíes de contención y prevención de la pandemia de la COVID-19 en relación a la movilidá y les interacciones familiar y social mientres les fiestes navidiegues. En concretu acuta l’horariu de regresu a la casa hasta les 00,30 hores (frente a la primeramente dexada de les 01,30 hores) na madrugada de Nuechevieya y llinda a 6 (frente a les 10 primeramente indicaes) el númberu máximu de persones que pueden rexuntase n’espacios públicos o privaos, que puedan venir de más de dos unidaes de convivencia los díes 31 d’avientu y 1 y 6 de xineru.

El Decretu va entrar a valir a les 00,00 hores del día 23 d’avientu de 2020, y compleméntase con un llamamientu a la prudencia, la responsabilidá individual y evitar o amenorgar la movilidá xeográfica y el contactu social lo más posible.

DESCARGA EQUÍ EL DECRETU DE PRESIDENCIA DEL 21 D’AVIENTU DE 2020[1]

Endnotes:
  1. DESCARGA EQUÍ EL DECRETU DE PRESIDENCIA DEL 21 D’AVIENTU DE 2020: https://www.gijon.es/sites/default/files/inline-files/Decreto%20del%2021%20de%20diciembre.pdf

Source URL: http://asturnews.com/el-principau-amonta-les-restricciones-de-movilida-ya-interaccion-social/