El primer vinu etiquetáu n’asturianu recibe’l premiu Andrés Solar

20 avientu 05:40 2011 Imprimir

La Xunta pola Defensa de la Llingua Asturiana (XDLA) va entregar los sos premios añales esti vienres 23 d’avientu, de magar les siete y media la tarde, nel Salón d’Actos del Vieyu Institutu de Xixón. El vinu L.lumés, el primeru etiquetáu n’asturianu va recibir el premiu positivu, el Pegollu; mientres que’ l Madreñazu, que s’otorga a dalguién que destacara polos sos ataques al asturianu, va nesta ocasión pa César Movilla Anta, alcalde de Noreña, qu’evitó qu’una moción n’asturianu presentada por Conceyu Abiertu de Noreña pudiera llevase al plenu del so conceyu.

La entrega de los Premios vaentamar a les 19.30 hores,. Tamién, como tolos años, dempués del actu va haber una espicha. Esti añu va ser nel chigre xixonés Canteli y la entrada val 20 euros. Pa dir, hai qu’acutar sitiu enantes llamando a los teléfonos 985229553 y 679650998, primero del miércoles 21 d’avientu.

  Categories:
Loading Facebook Comments ...