Portada Política El presupuestu d’ayudes a families con menores en riesgu de probeza doblase p’atender a 1500 llares

El presupuestu d’ayudes a families con menores en riesgu de probeza doblase p’atender a 1500 llares

by redacción asturnews

Casi 1500 families d’Uviéu van recibir 700 euros por tener menores en riesgu de probeza, sigún fizo anuncia esti llunes la conceyala d’Atención a les Persones, Marisa Ponga, acompañada pola vicealcaldesa, Ana Taboada y el conceyal de Personal, Iván Álvarez.

Ponga esplicó qu’a esta convocatoria diba dirixida a families o unidaes de convivencia con fíos menores a cargu, que nun superaren determinaos ingresos y que llevaren empadronaos n’Uviéu siquier un añu. Coles mesmes, recordó qu’esta ayuda yera complementaria a cualquier tipu d’ayuda de calter social.

A la convocatoria presentáronse primeramente 2107 solicitúes de les que 623 fueron escluyíes por superar ingresos, falta de documentación, nun cumplir el requisitu d’empadronamientu o presentase fora de plazu. D’éstes, 1484 fueron almitíes por cumplir tolos requisitos recoyíos na convocatoria. Asina, un total de 731 families apaecen provisionalmente nel llistáu como beneficiaries de l’ayuda y otres 753 en llista d’espera. Estos llistaos pueden consultase nel tablón d’anuncios y na páxina web del Conceyu hasta’l próximu 25 de mayu, plazu pa presentar allegamientos.

Sicasí, la conceyala aseguró que l’ayuda va llegar a tolos llares que cumplan los requisitos y amestó que los trés grupos nel Gobiernu alcordaron un cambéu presupuestariu p’atender les necesidaes de les families en reserva. Ponga recordó qu’esa decisión tomó hores primero que se conociera la noticia sobre Villa Madalena y que magar ello, comprometiéronse los fondos necesarios que, calculó, van xubir a aprosimao 527.000 euros. Nesti sentíu, recordó que’l presupuestu inicial d’esta convocatoria yera de 511.000 euros apurríos pol Gobiernu del Principáu.

Tamién te podria gustar