El premiu Tigre Juan yá tien finalistes

El premiu Tigre Juan yá tien finalistes
15 09:50 2018 Imprimir

El Tigre Juan”, qu’aporta a so 40ª edición, yá tien cinco finalistes qu’opten a un primer premiu de 10.000 euros, y que va escoyer ganador esta selmana que vien, el día 22 de payares, nel Teatru Campoamor.

Anguaño’l Premiu “Tigre Juan” llega a so 40ª edición. El premiu, que tien una dotación de 10.000 € para’l ganador y 5.000 € para’l primera finalista, yá tien cinco escoyíos pa la última fase. Los nomes fueron anunciaos esta selmana en rueda de prensa pol conceyal de cultura, Roberto Sánchez Ramos, que tuvo acompañáu pol Presidente de Tribuna Ciudadana, Alfonso Toribio; el secretariu de la Xunta Directiva de Tribuna Ciudadana y Coordinador del Premio “Tigre Juan”, Javier Gámez; y el presidente del Xuráu, Fernando Menéndez. Los escoyíos son: Los xatos de Rodrigo Blancu Calderón; Les madres secretes de Mónica Crespo; El don de la fiebre de Mario Cuenca Sandoval; La sabiduría de quebrar güesos de Pablo Matilla; y Años de mayor cuantía de Tomás Sánchez Santiago. El conceyal quixo señalar que “40 años de Tigre Juan son 40 años de lliteratura na nuesa ciudá”, y que “Uviéu ye una ciudá bien novelada”.

El Xuráu d’esta edición, que ta integráu por Fernando Menéndez, Vicente Duque, Ángela Martínez, Eduardo San José y Natalia Cueto, valoró un total de 87 obres, munches d’elles llegaes de países hispanoamericanos y tamién dende Estaos Xuníos. L’actu d’entrega de los premios va ser el xueves 22 de payares a les 19 hores nel Salón de Té del Teatru Campoamor, tres el cual va haber un cóctel, tollo abiertu al públicu.

Anguaño, amás, caltúvose’l Certame Nuevu de Relatos Curtios Tigre Juan, dotáu con 400 € pal ganador y con dos accésits de 200 € cada unu, y que la so apurre de premios realizará’l mesmu día qu’el XL Premio “Tigre Juan”. El Xuráu d’esti II Certame Nuevu tuvo integráu por cuatro miembros de la Xunta Directiva de Tribuna Ciudadana, Lola F. Lucio, Virginia Gil, Rosa Martínez y Javier Gámez y pol escritor Ernesto Colsa, que valoraron 40 relatos unviaos, triplicándose la cantidá de relatos del pasáu añu. Colos relatos finalistes del I Certame Nuevu de Relatos Curtios editóse un llibru sol títulu de La Solombra del Tigre.

La programación de Tigre Juan incluyó nesta edición el Taller de Creación Lliteraria dirixíu por Chus Fernández, finalista del XXXVII Premio “Tigre Juan”, que se celebró na see de Tribuna Ciudadana, y el ciclu de charres “La Buelga del Tigre”, que se celebren nel Club de Prensa Asturiana, y que nesta edición cuntó con José Benito Fernández, Fernando Beltrán, Gonzalo Hidalgo Bayal, y Nachu Carreteru, y que a lo llargo d’esti mes va cuntar con Edurne Portela y José Oveyeru’l día 16, y con María Abella y Raquel Blanco’l día 30 de payares, cerrando la programación.

  Categories: