El preciu de los smartphones siguió n’aumentu en 2017

El preciu de los smartphones siguió n’aumentu en 2017
30 xineru 09:46 2018 Imprimir

El preciu de los smartphones siguió n’aumentu en 2017 camudando la tendencia que seguíen de 2012 a 2015, cuando los fabricantes amenorgaron los precios de los teléfonos a nivel global, menguando un total d’un 10% nestos años.

Ente que el númberu d’unidaes de teléfonos intelixentes vendíes nel cuartu trimestre de 2017 solo aumentó un 1% al respective de ese mesmu periodu del añu anterior, el preciu d’estos creció un 10%. Asina, la cantidá que’l consumidor tuvo que pagar pa llevase un smartphone a casa pasó de 330 dólares estadounidenses de media a 363 dólares.

El llanzamientu na pasada seronda de grandes teléfonos insinia, especialmente del iPhone X, constitúi unu de los factores detrás d’esti encarecimientu. La meyora xeneral de les funcionalidades y diseñu de los dispositivos, sobremanera en modelos d’alta gama, desempeñó ensin dulda tamién un papel clave.

Tal que se ve nesta infografía de Statista, de 2012 a 2015 los fabricantes amenorgaron los precios de los teléfonos a nivel global, menguando un total d’un 10% nestos años. Sicasí, a partir de 2015, esti enclín invirtióse y estos recuperaron un 9% del so valor hasta algamar los 328 dólares, según datos de la empresa d’investigación de mercáu GfK.

  Categories: