Portada Educación El PP pidi una EBAU única pa toa España

El PP pidi una EBAU única pa toa España

by redacción asturnews
Foto: Iglesias Riveiro (https://www.flickr.com/photos/riveiro/)

El PP de Astuiras reclama una Evaluación de Bachilleratu para l’Accesu a la Universidá (EBAU) única pa toa España. D’esta forma, defende, los alumnos asturianos nun se veríen «agraviaos» al respective de los del restu d’España no que al temariu de l’asignatura d’Hestoria, muncho más ampliu equí que n’otres rexones.

Los populares asturianos tamién reclamen la homologación de les tases del exame d’accesu a la Universidá yá que la diferencia ente comunidaes puede llegar hasta los 70 euros. Asturies ye la segunda comunidá col preciu de matrícula más caru: 130 euros. La fase d’accesu de la EBAU concluyó ayeri pa los 4.004 alumnos inscritos nel Principáu y güei va facer la fase d’almisión, a la que solo se presenten los que quieren ameyorar la so nota.

Tamién te podria gustar