El PP oponse dafechu al usu del Asturianu na Xunta Xeneral

El PP oponse dafechu al usu del Asturianu na Xunta Xeneral
08 febreru 18:59 2016 Imprimir

Nun incumplimientu claru ya incomprensible de la Llei d’Usu del Asturianu, el PP opúnxose ayeri a que s’emplegara l’asturianu al tiempu que’l castellán nes convocatories de la Xunta Xeneral pa conceyos onde se vaya a falar de la llingua asturianaNun ye la primer vegada que’l PP pon pilancos pa evitar que s’emplegue l’asturianu, pero esta ye la primer vegada que lo fai nun contestu nel que plantega incumpli la llei vixente que promueve l’usu del asturianu en tolos ámbitos del Principáu. Cola so torga dafechu a facer cumplir esa llei, el PP vuelve dexar a les clares que namái la Oficialidá pue garantizar los derechos d elos asturianufalantes nel exerciciu de les sos actividaes polítiques y profesionales.

La historia entamó cuando Concepción Masa, diputada d’IX proponía na Xunta Xeneral esta mañana, de manera informal na Xunta de Voceros, el so pidimientu de que les convocatories de la Comisión non permanente d’estudiu sobre’l réxime de protección y promoción del asturianu y les sos distintes alternatives fueren billingües en castellán y asturianu.

Y en sin venir a cuentu atopose cola oposición de la vocera del Partíu Popular, Mercedes Fernández que negó esta posibilidá del usu de la llingua y asina lo manifestó a los periodistes nes sos declaraciones. D’esta manera, a xuiciu d’IX  el PP reniega de la mesma llei qu’aprobó l’únicu Gobiernu que presidió’l PP  n’Asturies, la Llei d’Usu y Promoción del Asturianu, vixente dende 1998.

Concha Masa, la diputada d’IX que preside esta comisión que se va axuntar el miércoles a les 11 hores pa planiar el so programa de trabayu, propunxo que les convocatories pudieren mandase n’asturianu y castellán, cuidano que la primera d’elles fuera convocada solo en castellán y consideraba que tendría de ser billingüe. “Nun esperábamos qu’hubiera nenguna reacción en contra per parte del restu de los grupos, porque esiste una llei aprobada yá va munchos años, a éstes  por iniciativa del PP, llei que nós consideramos que nun s’usa na midida de les sos posibilidaes”, afirmó la diputada. “La convocatoria creíamos que tendría de ser tamién n’asturianu por que de forma simbólica viérase’l llabor que pretendíamos faer”, dixo la diputada, sosprendida pola reacción de la diputada popular.

Loading Facebook Comments ...