Plástiques El postreru Banksy podría ser adquiríu por más de 110.000 euros by redacción asturnews 14 de xineru, 2019 written by redacción asturnews 14 de xineru, 2019 50 L’últimu grafiti del prestixosu artista británicu Banksy, qu’apaeció na fachada d’un garaxe de Gales el mes pasáu, podría ser adquiríu por unes 100.000 llibres (110.660 euros). Según publicó la cadena británica BBC, un comprador taría interesáu n’adquirir por esa cantidá la obra, allugada en concretu nel distritu suburbano de Taibach, na ciudá galesa de Port Talbot. El marchante de arte John Brandler manifestó al mediu públicu del Reinu Uníu qu’el so veceru ta dispuestu a pagar una cifra “de seis númberos” pola pintada del grafiteru anónimu porque “encaxa perbién na so colección”. La creación apaeció’l 19 d’avientu ocupando dos parés. N’una d’elles amuésase a un neñu xugando colo que paez ser nieve y na otra afayar que los falopos colos que se presta son realmente cenices y fumu procedente de la quema d’un contenedor. El pasáu mes de xunetu, el polvu negro procedente de les fábriques d’aceru de la ciudá de Port Talbot cubrió cases, automóviles y mascotes, un fechu que podría ser la inspiración pal artista británicu. El propietariu del garaxe reconvertíu n’obra d’arte, Ian Lewis, quexóse esta mesma selmana de la presión” qu’esta viviendo por tener que curiar la pieza. “Ta siendo bien, bien estresante y bien surrealista”, señaló l’home, de 55 años, quien apuntó que si non fora pola ayuda brindada pa seguridá pol actor Michael Sheen, “yá perdería la obra por vandalismu”. Según la BBC, Lewis va axuntase con autoridaes galeses p’aldericar otres opciones distintes a la del veceru de Brandler. El pasáu mes d’ochobre Banksy protagonizó un sonáu episodiu al esmagayar en directu una obra recién vendida por 1,04 millones de llibres (1,18 millones d’euros) na casa de puyes londinense Sotheby’s. 0 FacebookTwitterPinterestEmail Anterior Escosaes les entraes pa los cuatro conciertos de la xira d’Alejandro Sanz siguiente La XDLA llamenta la inorancia de Casado sobro la cultura de nueso Tamién te podria gustar “Nos dominios de trés” homenaxea a la pintora... Avilés reivindica a Trinidad Fernández con mediu centenar... La esposición “Cuerpos albentestate” recueye la creatividá reivindicativa... La Factoría Cultural inaugura Y-LIFE, de Juan Falcón,... La esposición “Dos patries llevo comigo” fai alcordanza... Mieres pon en marcha’l programa de visites al... Una esposición amuesa la evolución de la muyer... Inaugurada la VII Esposición d’Arte Postal n’Avilés, con... El tercer Ciclu d’Ilustración de la Ventana de... Avilés recuerda’l so vertixinosu sieglu XX cola esposición...