El Porsche ‘Flower Power’ de Janis Joplin sal a puya

El llexendariu Porsche descapotable de la estrella de rock Janis Joplin va salir a puya n’avientu próximu en Nueva York.

Según la casa de puyes RM Sotheby’s, el vehículu ta tasáu en más de 400.000 dólares. Ye un Porsche 365C 1600 Cabriolet de 1965, pintáu con un caleidoscopiu de colores al estilu sicodélicu y ‘Flower Power’ de la dómina, taba en manos de la familia de Joplin dende la muerte de la cantante en 1970.

Orixinalmente’l coche yera de color blancu y Joplin mercolu en 1968 y encargó el trabayu de pintalo al so amigu Dave Richards, quien creó una Hestoria del Universu”, según les sos propies palabres, qu’inclúi una semeya de la cantante colos miembros de la so banda.

Mientres los últimos venti años el coche tuvo espuestu nel Salón de la Fama del Rock and Roll de Cleveland.