El polifacéticu creador William Kentridge algama’l Premio Princesa de les Artes

El polifacéticu creador William Kentridge algama’l Premio Princesa de les Artes
05 mayu 15:19 2017 Imprimir

El polifacéticu creador sudafricano William Kentridge (Johannesburgo, 1955), conocíu polos sos dibuxos, pintures, grabaos, “colaxs”, escultures y fotografíes, pero tamién poles sos incursiones nel teatru, la ópera y la música, foi estremáu esi día n’Uviéu col Premiu Princesa d’Asturies de les Artes 2017.

La candidatura d’esti artista comprometíu social y políticamente impúnxose ente les 43 procedentes de 19 países que nesta ocasión optaben al galardón, el primeru de los ocho qu’añalmente concede la Fundación Princesa d’Asturies.

L’acta del xuráu, presidíu pol empresariu José Lladó, destaca que Kentridge espresa emociones y metáfores rellacionaes cola hestoria y la realidá del so país, que tescienden, sicasí, estes postreres, y plantegen “cuestiones esenciales de la condición humana, combinando temes en que predomina la investigación puramente poética y estética colos de conteníu sociopolítico”.

”Trátase, por tanto, d’un artista fondamente comprometíu cola realidá”, reflexa l’acta d’un xuráu que lu calificó de “creador meticuloso y fondu” que supo utilizar el dibuxu, siguiendo la meyor tradición, “como principal preséu d’espresión artística, al traviés non solo de les obres sobre papel, el colax, el grabáu y l’escultura, sinón tamién del videoarte, les películes animaes, les instalaciones y l’escenografía, tantu en teatru como n’ópera”.

  Categories: