El Plenu n’Uviéu modifica la Ordenanza Xeneral de Subvenciones pa favorecer l’accesibilidá

El Plenu n’Uviéu modifica la Ordenanza Xeneral de Subvenciones pa favorecer l’accesibilidá
07 mayu 13:23 2016 Imprimir

El Plenu del mes de mayu, celebráu esta selmana en sesión ordinaria, aprobó de forma inicial, y por unanimidá, el cambéu de la Ordenanza Xeneral de Subvenciones, pa incorporar les bases de regulación de les ayudes a la rehabilitación integral de fachaes y a favorecer l’accesibilidá n’edificios colectivos de viviendes.

Na sesión diose lluz verde, tamién por unanimidá, a la proposición  de la Plataforma d’Afectaos pola Hipoteca y Desahucios d’Uviéu, presentada de forma conxunta polos Grupos Municipales PSOE, Somos ya Izquierda Xunida, sobre les titulizaciones de les hipoteques.  Un procesu que según esplicó la vocera de la Plataforma, Pilar García Luján “xenera un grave tracamundiu y una absoluta indefensión de los hipotecaos” yá que na actualidá nun pueden conocer si la entidá bancaria cola que roblaron el so préstamu, tresferir a unu d’esos fondos, anque siga actuando como titular.

Cola aprobación d’esta propuesta’l Conceyu d’Uviéu comprometese a esixir a la Comisión Nacional del Mercáu de Valores que funcione cuanto antes, “como un verdaderu rexistru públicu, entamando los folletos, escritures anexo d’activos titulizados con cuenta de poder ufiertar a les families afectaes de forma clara y accesible tola información”. Amás, el Consistoriu va solicitar a les entidaes financieres que publiquen “la relación d’activos que componen los fondos de titulización” y va incluyir na web municipal un apartáu con información alrodiu de esti problema, por que’l consumidor pueda saber si’l so préstamu hipotecariu foi titulizado y cuálos  son les midíes d’actuación.

Por 22 votos a favor y cinco abstención del PSOE, el Plenu aprobó una proposición de los Grupos Municipales d’IX, Somos y PP relativa a la integración de les Escueles d’Educación Infantil na Conseyería d’Educación del Principáu d’Asturies, a la que punxo voz Henar García Rubio, vocera de la Plataforma pol  0 a 3 públicu y gratuitu. La educadora aseguró que “ente que estos centros dependan de los Conceyos van ser consideraos un serviciu” cuando ye un derechu “que tienen tolos neños desque nacen: el de recibir una educación calidable y calidez”.

  Categories: