Portada Sociedá El plenu d’Uviéu adhiere al Conceyu al Pactu social contra la violencia a les muyeres

El plenu d’Uviéu adhiere al Conceyu al Pactu social contra la violencia a les muyeres

by redacción asturnews

La sesión ordinaria del Plenu d’avientu del Ayuntamientu d’Uviéu apautose esti miércoles en xunir al Conceyu al Pactu social contra la violencia a les muyeres del Principáu d’Asturies.

El plenu aldericó tamién una propuesta del grupu d’IX sobre’l sofitu  a la plataforma de víctimes del Alvia 04155. Cristina Pontón aseguró que l’oxetivu ye treslladar el pidimientu de la plataforma d’afectaos “que lo tán pidiendo nésti y n’otros conceyos. Una de les nueses funciones ye dar sofitu y voz a les causes xustes. Encamentamos al Gobiernu del país a qu’investigue lo asocedío naquel tarrecible accidente del 24 de xunetu de 2013”. El conceyal popular, Gerardo Antuña, adelantró l’astención del so grupu y espresó la so solidaridá coles families de les víctimes del accidente . El conceyal puntualizó: “Magar sofitamos firmemente la reclamación per parte de los familiares y l’apertura de nueves víes d’investigación creemos que la creación d’una comisión parlamentaria pocu puede apurrir a la mesma”. El dictame de la comisión foi votáu por 15 votos a favor y 11 astenciones.

A proposición del grupu municipal d’Izquierda Xunida treslladose al plenu un alcuerdu integráu por ocho puntos por un conceyu llibre de tráficu de muyeres y neñes. Cristina Pontón cifró en 45.000 les muyeres y neñes “que sufren esta realidá al añu nesti país”. L’Alministración local “puede y tien de faer muncho más”, añedió.

La sesión plenaria czarrose cola llectura d’una Declaración institucional sobre la conmemoración del Día Mundial del VIH/ SIDA, suscrita polos voceros de los cinco grupos con representación nel Consistoriu.

Tamién te podria gustar