Portada Turismu El Plenu d’Avilés aprueba’l Plan de Meyora del Cascu Antiguu

El Plenu d’Avilés aprueba’l Plan de Meyora del Cascu Antiguu

by redacción asturnews

El Plenu aprobó esta selmana definitivamente’l Plan Especial de Reforma Interior del Cascu Históricu d’Avilés y el Plan Especial de Protección del Patrimoniu Cultural y Catálogu Urbanísticu. Dambos documentos cuntaron colos votos a favor (15) de PSOE, PP, Ciudadanos y Conceyales Non Adscritos; l’astención (3) d’IX y el votu en contra de Somos y Ganemos (6).

Tres los informes favorables de la CUOTA y de la Comisión Permanente de Patrimoniu, la Corporación avilesina aprobó definitivamente los documentos completos na so redacción final del ambos documentos.

Plan Especial de Meyora y Reforma Interior del Cascu Históricu d’Avilés (PEMRICH). 11 actuaciones:

1.- APE.CH-1 La Muralla. Dotación d’espaciu llibre en redol a la Ilesia de San Antonio de Padua (antigua Padres Franciscanos) y la Capiya de Les Nales, cola fin de crear un mirador sobro la muralla y dexar a la vista la capiya.

2.- APE.CH-2 Les Nales impar. Propón la execución conxunta d’un solu inmueble en 4 parceles que por si soles daríen llugar a una edificación desaveniente, según el llogru d’una pequena porción de viario calteniendo l’aprovechamientu asignáu pol PGO vixente.

3.- APE.CH-3 Les Nales Muralla. Plantégase, per un sitiu, el llogru d’un equipamientu públicu, nueva edificación y normalización del espaciu interior de la mazana na que resulta un gran espaciu públicu y ónde va poder construyise un edificiu baxu-rasante con usu d’aparcamientu. Per otru llau, proponer col desenvolvimientu d’esta unidá’l llogru de toles  parceles que se califiquen como espaciu llibre y dotacional que s’atopen adosaes al trasdós de la Muralla, y a la Capiya de los de Les Nales y lliberen l’espaciu del trasdós de la Muralla en relación col espaciu llibre publico de la APE.CH1.

4.- APE.CH-4 Plaza José Martí. Ye oxetivu d’esta Unidá ampliar la plaza que da frente al edificiu de “l’antigua cárcel” y conectala col espaciu llibre xeneráu na actuación colindante del APE CH-3 de la cai de Les Nales.

5.- APE.CH-5 Rivero-Parque La Ferrera. Plantega completase el frente edificáu de la cai Rivero con dos nueves edificaciones rellacionaes coherentemente coles esistentes. Coles mesmes, xenérase un nuevu accesu al Parque de La Ferrera cola considerancia de pasaxe no que constituyiría una servidume pública de camín, nel tramu qu’escurre baxu una de les edificaciones. El restu, fora de la proyección vertical de los edificios cola considerancia d’espaciu llibre públicu.

6.- APE.CH-6 Marcos del Torniello. Consiguir la sustitución d’esti tramu de texíu urbano, por aciu una intervención integral del ámbitu qu’apigura los 8 predivos de la cai Marcos del Torniello ente los númberos del 16 al 30, y qu’anguaño cunten con dos edificaciones ruinoses y delles muertes d’otres antigües yá derruidas.

7.- APE CH-12 Emile Robín. Pretende favorecese la restauración de los edificios protexíos, proponiendo l’ampliación y conexón de los mesmos con una nueva construcción  y garaxe nes zones llibres de les parceles de la APE.

8.- MNZ CH-7 Parque La Ferrera. Revisa la calificación urbanística d’un terrén que yá ye municipal colindante col Xardín Francés del Parque de La Ferrera, pasando de xardín priváu a Espaciu Llibre Públicu. Con ello, amás, dase continuidá al nuevu accesu al Parque al que se fixo referencia nel APE CH-5.

9.- MNZ CH-8 Rivero-Llibertá. Pretende favorecese la meyora y recuperación d’un edifico protexíu, con una llixera medría de edificabilidad que tien de materializase con criterios coherentes colos que dan valor al edificiu y favoreciendo la valoración del espaciu llibre priváu asociáu, calificáu como Xardín.

10.- MNZ CH-10 Galiana. Pretende favorecese la restauración del edificiu protexíu, proponiendo la reordenación y nueva construcción de les edificaciones auxiliares asitiaes nel Xardín acomuñáu a la edificación principal. Amás, nesti ámbitu llograráse un pequenu espaciu llibre del retranqueo de la portiella d’accesu al xardín. Con ello, amás, consíguese enfatizar la frontalidad del hastial del edificiu protexíu a la cai de Galiana.

11.- MNZ CH-11 Rivero-Cervantes. Propónse la ocupación de la cortil vacante allegante al edificiu qu’alluga la farmacia de Rivero, según parte del espaciu llibre posterior de la so parcela. Nesta actuación va llograse una pequena superficie de viario de resultes de correxir l’alliniación na parte de la parcela llibre d’edificación con frente a la cai Cervantes

Más información

Tamién te podria gustar