Educación El plazu para la solicitú de places nos colexos va empezar el 12 de mayu by redacción asturnews 7 d'abril, 2021 written by redacción asturnews 7 d'abril, 2021 2,1K La Conseyería d’Educación vieno acabante espublizar l’esperáu calendariu del procedimientu d’almisión d’alumnáu pal próximu cursu escolar, abriendo’l plazu nel 12 de mayu. Pa los que van empezar primero d’Infantil el próximu mes setiembre, el periodu de solicitú va ser del 12 al 21 de mayu, daqué más tarde de lo que venía faciéndose davezu. Antes de la pandemia, esti periodu solía abrir en mayu. L’añu pasáu, pela contra, tuvo que retrasase hasta xunu. Y, tal que alcordó yá la Conseyería, el procesu va ser presencial (l’añu pasáu tuvo tamién habilitada la vía telemática). El próximu 21 d’abril va entamar el procesu de forma oficial, col sortéu públicu que determina les lletres que van sirvir pa ordenar los apellíos de los alumnos, en casu de que los centros tengan que baremar por escesu de demanda. El 12 de mayu los colexos ya institutos van publicar les places que tienen disponibles en cada nivel, llistáu siempres bien consultáu pa conocer les opciones de consiguir la primer opción. Y, como queda dichu, del 12 al 21 de mayu, les families van poder presentar la solicitú nel centru escoyíu en primer opción. Les llistes provisiones d’almitíos van publicase’l 1 de xunu y el día 11 les definitives, n’atendiendo a los posibles allegamientos.La formalización de les matrícules n’Infantil y Primaria va ser del 22 al 28 de xunu (coincidiendo casi col final de les clases nestos niveles, que va ser el día 24) y pa ESO y Bachilleratu, del 5 al 16 de xunetu. Esti procedimientu ta yá afechu a la nueva llei educativa, la LOMLOE, que modificó delles coses, como los puntos que pueden llograse pola renta de la unidá familiar o por ser el solicitante fíu de docentes del centru (esta situación solo va otorgar agora un puntu, frente a los ocho que valía enantes). La Conseyería yá publicara va delles selmanes les instrucciones, indicando que los impresos de solicitú, que obligatoriamente y atendiendo a dichos cambeos llegales, fueron modificaos, van publicar a mediaos d’esti mes na see electrónica del Principáu. Agora que tamién se fixo públicu’l calendariu, les families tienen daqué más d’un mes pa preparar la documentación que tienen d’apurrir. Nesti sentíu, la casa familiar va acreditase con certificación de los datos del padrón municipal na que figuren tolos miembros de la unidá de convivencia. La fecha d’alta tendrá de tener una antigüedá mínima de seis meses respecto al entamu del procedimientu. 0 FacebookTwitterPinterestEmail Anterior L’Asociación Escritores d’Asturies va editar un llibru-discu con 45 textos literarios y 21 cantautores. siguiente La Universidá d’Uviéu va analizar la innovación dixital nel aprendizaxe Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...