El plazu pa solicitar plaza nun centru escolar va dir del 16 al 27 d’abril

El plazu pa solicitar plaza nun centru escolar va dir del 16 al 27 d’abril
13 marzu 11:36 2018 Imprimir

Yá hai calendariu pa inscribir a los neños de trés años (primero d’Infantil) o primero de Primaria (seis) que’l próximu cursu van incorporase al colexu o a aquellos que camuden de centru. El plazu para solicitar plaza nun centru escolar va dir del 16 al 27 d’abril.

El Boletín Oficial del Principáu d’Asturies (BOPA) publicaba esti llunes el resolvimientu de la Conseyería d’Educación col calendariu del procesu d’almisión del alumnáu nos centros docentes públicos y privaos alcordaos para’l cursu 2018-2019. La primer fecha importante yera la d’esti llunes, cuando se llevaba a cabu na see de la conseyería’l sortéu de la lletra que va sirvir para resolver empates na puntuación.

El 16 d’abril, llunes, va ser cuando los centros publiquen nel so tablón d’anuncios el númberu de places vacantes por cursu y el día a partir del cual les families van tener de plazu pa presentar les sos solicitúes nel centru escoyíu como primer opción. Dichu plaza remata’l vienres 27. Hai, por tanto, dos selmanes para inscribise nel centru de primera elección, indicando nel formulariu les otres dos opciones preferíes.

  Categories: