El Plan Actívate pon en marcha’l Proyectu Kiva pa neños y neñes nel branu

La vicealcaldesa d’Uviéu, Ana Taboada, inauguró esta selmana pasada na Plaza Llagu Enol de Ventanielles el Proyectu ‘Kiva’, que va consistir na realización d’actividaes de dinamización para neños y neñes de 3 a 12 años nes places de Ventanielles y Vetusta mientres los meses de xunu, xunetu y la primera quincena d’agostu.

Coles mesmes, el proyectu busca entamar acciones que pongan en valor estes places d’Uviéu y, coles mesmes, atraer a neños y neñes a la zona. La organización del proyectu ta a cargu del Plan Actívate de la área d’Emplegu y va ser desempeñáu nel marcu de les práctiques del certificáu de profesionalidá del módulu de ‘Dinamización d’actividaes de tiempu llibre educativu infantil y xuvenil’ cola ayuda del módulu de ‘Arreglos y adaptaciones de prendes y artículos en testil y piel’ y del Centru de Formación Ocupacional. Coles mesmes, el proyectu cunta cola implicación de la Conceyalía de Participación Ciudadana del Conceyu.

Históricamente, les “Kives” yeren unes habitaciones circulares, escavaes nel suelu polos pueblos indios d’Estaos Xuníos para la celebración de ritos y fiestes. D’esta manera, el Proyectu Kiva’ pretende convertir lo cotidiano en daqué máxicu para los neños y neñes coles actividaes previstes nes places d’Uviéu.

Les actividaes van llevase a cabu mientres los meses de branu en díes alternos en cada plaza y la duración de les mesmes va ser d’aprosimao dos hores. Coles mesmes, va cuntar con 8 estaciones de xuegu, cuatro per día, y los neños y neñes van poder escoyer a cual van allegar. Para participar nes actividaes, de calter gratuitu, nun ye necesariu inscribise primeramente. El proyectu va tar en Ventanielles los martes y xueves y los llunes y miércoles en Vetusta, siempres n’horariu de 17.30 a 19.30 hores.

Les actividaes a desenvolver van ser:

1-PEQUEÑOS GURMETS
2-CREACIÓN PLÁSTICA
3-ARTES ESCÉNIQUES
4-CANTAR Y BAILLAR
5-LO QU’HAI EN XUEGU
6-PEQUEÑOS ESPLORADORES
7-CONSTRUCCIONES EFÍMERES
8-XENERACIÓN.NET

El Plan Actívate ye un programa que xune la formación y l’empléu empobináu al colectivu de paraos de llarga duración mayores de 25 años inscritos nel Serviciu Públicu d’Empléu. El programa tien xuna duración de 6 meses, mientres los cualos, la xornada de los adscritos va partir ente trabayu, con un contratu por obra y serviciu a tiempu parcial, y la formación d’un certificáu de profesionalidá de nivel 1 o 2.

La finalidá de dichu programa ye que la formación cualifique a los participantes pa un determináu oficiu, y l’alquisición d’habilidaes pal so insertamientu nel ámbitu llaboral, ameyorando les sos capacidaes y/o actitúes/conductes.