Portada Música El pianista Eduardo Fríes sumase a la III Selmana “Julián Orbón”

El pianista Eduardo Fríes sumase a la III Selmana “Julián Orbón”

by redacción asturnews

El pianista Eduardo Fríes sumase a la III Selmana “Julián Orbón” con un conciertu esti xueves, nel que sustitúi al chelista avilesín Gabriel Ureña, que tuvo qu’anular el so recital al pie de Patxi Aizpiri por un asuntu familiar. El conviertu va ser a les 19:30 hores nel Teatru Palacio Valdés.

El reconocíu pianista madrilanu Eduardo Fríes xunese a la programación de la III Selmana Cultural del Conservatorio “Julián Orbón”. El so conciertu va tener llugar el xueves a les 19:30 hores nel Teatru Palacio Valdés. Fríes reemplaza’l conciertu del tamién pianista Patxi Aizpiri y el chelista avilesín Gabriel Ureña, por motivos familiares d’esti postreru.

D’Eduardo Fríes resáltase la so capacidá p’afaese a estilos tantu clásicos como contemporaneos, la so capacidá d’axuntar equilibradamente sentimientu y técnica, y la so habilidá de tresmitilos al públicu.

Les temes que va interpretar nel conciertu son los siguientes:

I Parte

Nocherniegu nº1, de F. Chopin
Chopiniana de “Suite for Sara”, de J. Grundman
Variaciones sobro una tema de Chopin, de F. Mompou

II Parte

La capiya de G. Tell, de F. Liszt
In the still of the night, de J. Grundman
Fantasía, d’A. Scriabin

Más información

Tamién te podria gustar