Portada Comunicación El periodista polacu Adam Michnik gana’l Premiu Princesa d’Asturies de Comunicación

El periodista polacu Adam Michnik gana’l Premiu Princesa d’Asturies de Comunicación

by redacción asturnews

El periodista y escritor polacu Adam Michnik, una de les principales figures de la oposición anticomunista nos años ochenta del sieglu pasáu y un referente pol so defensa de la democracia, foi estremáu esti miércoles col Premiu Princesa d’Asturies de Comunicación y Humanidaes 2022.

Michnik (Varsovia, 1946) dirixe dende la so creación en 1989 el periódicu Gazeta Wyborcza, el más importante de Polonia, y llogró numberoses reconocencies internacionales pola so dilatada carrera nun periodismu honesto y comprometío cola llibertá, según pol so defensa de los derechos humanos y los valores democráticos.

Figuren nel so haber llibros que tuvieron gran pesu en Polonia como La Ilesia, la esquierda, el diálogu y artículos que marcaron la hestoria del país, como’l tituladoVuestro presidente, el nuesu primer ministru, que fixo posible la elección de Tadeusz Mazowiecki como primer ministru non comunista nel Este.

Tamién te podria gustar