Portada Conceyos El PDM de Xixón anula tolos plazos de renovación

El PDM de Xixón anula tolos plazos de renovación

by redacción asturnews

El Patronatu Deportivu Municipal anuló tolos plazos de renovación de matrícules o inscripciones de cursos, actividaes, programes y servicios, como resultáu de la suspensión de too ello pola situación d’emerxencia xenerada pol COVID-19. Al mesmu tiempu, tamién tien articulaes les devoluciones por suspensión d’actividá.

El Patronatu Deportivu Municipal anuló recién tolos plazos de renovación de matrícules o inscripciones de cursos, actividaes, programes y servicios, como resultáu de la suspensión de too ello pola situación d’emerxencia xenerada pol COVID-19.

Coles mesmes articularon un procedimientu de devolución del dineru qu’usuarios y usuaries pagaren primeramente,  coles mires d’empezar a ingresar esti dineru, previa solicitú.

La solicitú d’estes devoluciones va realizase al traviés del formulariu 01.35, que ta colgáu na páxina web del Conceyu www.gijon.es y tamién del Patronatu Deportivu Municipal, especificando’l cursu, actividá, programa o serviciu, y al traviés del rexistru electrónicu www.gijon.es/registroelectronico.

En relación a la renovación de matrícula o inscripción que fuera tramitada pa cursos y /o actividaes, va poder solicitase la so devolución, trayendo ésta la so anulación, o pela cueta va poder solicitase caltener la inscripción de cara a la continuación de l’actividá, y de esta forma garantizar la so plaza. Nun se va xenerar nengún cargu hasta la continuación de l’actividá.

Tamién te podria gustar