El paséu pola Revolución de 1934 repetiráse n’ochobre

L’alcalde d’Uviéu, Wenceslao López, la vicealcaldesa, Ana Taboada, el conceyal de Cultura, Roberto Sánchez Ramos, el d’Interior, Iván Álvarez, la responsable d’Educación, Merced González, según los conceyales Isabel González Bermeyu y Diego Valiño, participaron esta tarde, al pie de una trentena de vecinos y vecines d’Uviéu, na Ruta Revolución Octubre 1934′ entamada pola Fundación Juan Muñiz Zapico pa dar a conocer esti acontecimientu históricu, nel que la ciudá foi parte fundamental. Un momentu nel que la capital asturiana algamó la mayor repercusión informativa de la so hestoria.

Con finalidá turística y memoralista, un equipu interdisciplinar ellaboró esta ruta y un planu nos que se recueyen los principales escenarios de la ciudá mientres la revolución como son el perímetru del Cuartel de Pelayo (Campus del Milán), la zona del Gobiernu Civil y la torre de la Catedral, el cuartel de Santa Clara (dependencies de Facienda), la zona de la Universidá (actual Edificiu Históricu), la plaza de la Escandalera, la cai Uría, la Estación del Norte, la Cárcel Modelo y el Conceyu, puntu clave de la meyora revolucionaria yá que nél estableció’l Comité Revolucionariu.

La ruta volverá repitise n’ochobre, por cuenta de la celebración los díes 7 y 8 de les ‘Nueches en Blanco’.