El PAS y la UNA apoyen a los trabayadores de los medios de comunicación asturianos

19 xineru 11:04 2009 Imprimir

El Partíu Asturianista (PAS) y Unidá Nacionalista Asturiana (UNA), asoleyaron esta selmana pasada dellos comunicaos nos que se solidaricen colos trabayadores de los medios de comunicación asturianos que viven recorte de plantilla nes últimes selmanes.

El PAS amosó’l so sofitu a les plantilles de los medios en peligru cola so presencia na concentración d’esti sábadu en Xixón. Y quixo recordar los casos de Localia, La Voz de Asturias y los trabayadores despidíos en Telexixón, que nun descarten “que seya una represalia poles decisiones del PSOE en Tinéu (al respective, cabe recordar que Telexixón entró nel paquete de negociación pa que Victorino Alonso se ficiere con FERPI, lo que, a la so vegada, enxareyó unes cuantes operaciones en dellos puntos d’España, ente otros, n’El Musel)”.

Pela so parte, UNA ve alarmante “la situación de precariedá de los trabayadores del seutor de la información y comunicaciones asina como’l previsible amenorgamientu de medios de comunicación asturianos, lo qu’afeutará a la pluralidá informativa, tan necesaria anguaño n’Asturies”.

  Categories:
Loading Facebook Comments ...