Portada Conceyos El Parque d’Iviernu estrena mural n’honor a Berta Cáceres

El Parque d’Iviernu estrena mural n’honor a Berta Cáceres

by asturnet

La concejala Ana Rivas allegó esta selmana pasada, acompañada pola conceyala Cristina Pontón, a la inaguruación d’un mural n’homenaxe a Berta Cáceres y de los actos del aniversariu de la Declaración de los Derechos Indíxenes, que foi aprobada hai 11 años.

Tuvieron acompañaes pol vocal de Sensibilización de la Coordinadora de ONGD del Principáu d’Asturies, Javier Arjona, que quixo estimar al conceyu’l so sofitu en toles actividaes en defensa del pueblu indíxena y en homenje a Berta Cáceres. La conceyala Ana Rivas señaló la necesidá de “poner los medios por que toes les persones puedan tar n’igualdá de condiciones nel mundu”, y de “coesistir de manera xusta y sostenible”.

El mural, que s’atopa asitiáu nel Parque d’Iviernu, na Avenida Pedro Masaveu, al altor del Centru Maternu Infantil, materializa l’homenaxe que’l Conceyu d’Uviéu quixo rindir a l’activista hondureña, asesinada’l 3 de marzu de 2016, polos sos llabores en defensa de los pueblos indíxenes, Berta Cáceres. Ésta foi impulsora del Conseyu Cívicu d’Organizaciones Populares ya Indíxenes d’Honduras (Copinh) y defensora de los recursos naturales nel occidente del so país, y pollo recibió’l Premiu Goldman nel añu 2015. Nel actu partiéronse cd’s col cantar Alcuérdome de l’Agua, cantada por Anabel Santiago y Julio Arbesú n’honor a l’activista.

Tamién te podria gustar