El Parque de la Prehestoria ufierta actividaes los domingos del branu

26 xunetu 04:47 2013 Imprimir

El Parque de la Prehistoria de Teberga y l’Asociación Cultural La Ponte ufierten una nueva actividá na que’l públicu va poder averase a los Valles del Osu y esfrutar d’un entreteníu programa pa tolos públicos nuna redolada escepcional.

Esta actividá va tener llugar tolos domingos de xunetu y agostu, y amás los díes 29 de setiembre, 27 d’ochobre y 24 de payares. Inclúi una ruta (de 10:30 a 13:30 hores). Mientres esta ruta de trés hores de duración, con entamu y final nel aparcaderu de Tuñón (Santo Adriano), visítense la Cueva del Conde y l’Abrigu de Santu Adrianu, dambos xacimientos con arte parietal. Amás, fadráse una visita y taller temáticu nel Parque de la Prehestoria (puede participase nesta actividá a lo llargo del día, nes distintes frecuencies que s’ufierten). Una entretenida manera de conocer el pasáu y entender la evolución, coles mesmes qu’afayar l’orixe del arte.

Ye imprescindible acutar enantes nos teléfonos 985 76 14 03 y 637 06 16 10 o nel corréu lletrónicu info@laponte.org

  Categories:
Loading Facebook Comments ...