Portada Educación El Parque “Avilés Isla de la Innovación” y la Universidá d’Uviéu fomenten l’estudiu de Ciencia y Tecnoloxía

El Parque “Avilés Isla de la Innovación” y la Universidá d’Uviéu fomenten l’estudiu de Ciencia y Tecnoloxía

by redacción asturnews

El Parque Científicu Tecnolóxicu “Avilés Isla de la Innovación” y l’Escuela Politécnica d’Inxeniería (EPI) de la Universidá d’Uviéu, presenten al alumnáu, el profesoráu y les direcciones de los Institutos d’Enseñanza Secundaria de la Cuenca d’Avilés el nuevu concursu 2016-17 “Panel d’entrenamientu modular p’automatización y control de procesos”, patrocináu pola Fundación ALCOA. El so oxetivu ye fomentar les vocaciones científicu tecnolóxiques ente los mozos.

La presentación celebrose esta selmana nel Centru Niemeyer y nel mesmu actu, esibióse’l Fórmula 1 construyíu por 39 alumnos de la EPI de la Universidá d’Uviéu, participantes na Fórmula Student”, competición internacional d’universidaes celebrada nel circuitu catalán de Montmeló el pasáu agostu.

La presentación d’esti proyectu fízose con vídeos y fotografíes del procesu de construcción del coche y la competición en Montmeló per parte de los componentes del forno “Fórmula Student”.

Nel actu tuvieron presentes Manuel Riola, Conceyal de Promoción Económica, Juan Carlos Riolo, Director de la Escuela Politécnica d’Inxeniería, Hilario López, Investigador principal, los Componentes del equipu de “Fórmula Student”, y Salvador Ordóñez, Director de Xestión de la Investigación de la Universidá d’Uviéu.

Tamién te podria gustar