Portada Europa El Parllamentu de Turquía trabaya nel desenrrollu de polítiques llingüístiques pa protexer el turcu

El Parllamentu de Turquía trabaya nel desenrrollu de polítiques llingüístiques pa protexer el turcu

by asturnet

El Parllamentu de Turquía, Türkiye Büyük Millet Meclisi en turcu, ta trabayando nel desenrrollu d’un nuevu sistema educativu y una nueva llexislación pa protexer y desenrrollar la llingua turca, oficial nel país. Ente les cuestiones presentaes pola xunta que trabaya nel proyectu, ta la de llevar cantares en turcu a Eurovisión, “pa da-y una imaxe esterior al idioma”.

De momentu ye namás una propuesta pero’l Parllamentu va discutilo nes próximos meses.

El turcu (türkçe ou türk dili) ye una llingua pertenciente al grupu túrquicu, consideráu davezu un sogrupu dientro de les llingües altáiques. Anque otres llingües del grupu túrquicu aseméyense abondo al turcu (l’azerí, el turcmenu), les diferencies d’orde fonolóxicu, morfosintácticu y léxicu lleguen a ser importantes.

Al turcu fálase en países como Bulgaria, Grecia, Iraq, la República de Macedonia y Rumania conozse tamién como “turcu otomanu” (Osmanlı Türkçesi). Según les estadístiques, tien más de 61 millones los falantes, 46 millones na propia Turquía.

Tamién te podria gustar