El Palaciu Valdecarzana acueye la esposición “Moraes del suañu” de José María Rielo

El Palaciu Valdecarzana acueye la esposición “Moraes del suañu” de José María Rielo
28 febreru 12:10 2020 Imprimir

El Palaciu Valdecarzana acueye dende güei una nueva esposición, “Moraes del suañu”, del artista José María Rielo (A Caridá, 1954), con una inauguración va tener llugar esta tarde a les 19:30 hores y a la que va asistir la concejala de Cultura, Yolanda Alonso.

La esposición Moraes del suañu” consta de 70 fotografíes analóxiques, realizaes ente 1980 y 2010, ya interveníes a partir de 2018 y hasta el momentu actual, con pintura acrílica y diversos preseos. Modificaes con raspaduras y otres intervenciones que’l consagráu artista asturianu realiza con estrema sensibilidá, crea nuevos universos tiñíos con atmósferes de suañu, de misteriu y de murria.

Rielo dexa impresa nes sos intervenciones una busca d’un llugar inalcanzable que quier asomarse en cada fotografía tresformada, que lo avera y alloña nun continuu xuegu onde de nuevu lo importante ye’l mesmu camín. Les creaciones conviden a contemplar paisaxes marinos, roques o embarcaciones, según flores y árboles. Los alcordances de conocer tresformar nun acercamientu a la naturaleza, y el velu del suañu tapa lo visible xugando colo irreal. Estampes y escenarios que desafían el pasu del tiempu y persisten na memoria.

L’amuesa podrá visitase hasta’l xueves 19 de marzu nel horariu habitual del centru, de llunes a vienres de 11 a 14 y de 18 a 21 hores.

  Categories: