Portada Turismu El Palaciu los Deportes d’Uviéu va acoyer esta fin de selmana la XIX Feriadel Vehículu Clásicu

El Palaciu los Deportes d’Uviéu va acoyer esta fin de selmana la XIX Feriadel Vehículu Clásicu

by redacción asturnews

Van desenvolvese concentraciones de la escudería GUES, Mustang y del Citroën 11 amás de la que se dedica a clásicos populares.

Los conceyales de Turismu y Deportes, Rubén Rosón y Fernando Villacampa, presentaron esta selmana en rueda de prensa la XIX Feria d’Internacional del Vehículu Clásicu ‘Ciudá d’Uviéu’ que se va celebrar esta fin de selmana en el Palaciu de los Deportes. Na rueda de prensa tuvieron acompañaos polos organizadores de la cita, Fernando del Focete y Ramón López.

El conceyal de Turismu sorrayó qu’esta feria ye yá un eventu consolidáu y referente nel norte d’España” que supon amás, ameyorar l’actividá económica de Ventanielles mientres la so celebración nunos díes que coinciden cola celebración de San Mateo.
Pela so parte, el conceyal delegáu de Deportes, Fernando Villacampa, señaló qu’esti tipu d’actividaes “beneficien tantu al deporte local como a l’actividá económica”.

Dende la organización esplicaron que’l públicu qu’allegue a la Feria va tener la oportunidá d’esfrutar del mundu del vehículu de colección mientres una fin de selmana en el que s’espón vienden, compra ya inclusive s’intercambien dende coches en miniatura hasta motos de colección, según tou lo rellacionao con esti sector: recambios, revistes, cartelos, manuales, catálogos, clubes, restauradores, seguros, ropa, radios, Scalextric y de xacíu, autos n’estáu de marcha. Nesta edición tamién va haber una esposición de bicicletes.

Coles mesmes, destacaron qu’a lo llargo de los años de celebración de la Feria pasaron pola mesma más de 150.000 visitantes procedentes de toa España a lo llargo d’estos dieciséis años amuesen la elevada aceptación del públicu, lo que xuníu a los aponderamientos recibíos per parte de Del Focete esplicó que mientres los díes de la Feria desenvolveránse concentraciones de la Escudería GUE, Mustang y del Citroën 11 según la 16ª Arrancada de motos clásiques y la concentración de clásicos populares el domingu. Amás va rindise homenaxe a los pilotos Julio Gargallo, Luis Villamil y José Antonio López Fombona.

Nel intre de la Feria presentaráse’l nuevu llibru de Miguel Cuadráu ‘L’Automovilismu Asturianu en B&N”  nel que se narren los seis primeros Campeonatos d’Asturies y los siete primeros rallyes Ciudá d’Uviéu, pruebes entamaes pol Real Automóvil Club d’Asturies y otres como’l primera rallye del Salmón o les xubíes a La Providencia, el Naranco, el Fito, La Mazaneda, La Espina o El Rodical que tuvieron llugar ente los años 1.964 y 1.970.

Tamién te podria gustar