El Palaciu d’Esposiciones y Congresos acoyó la Xornada de clausura del programa Actívate

El Palaciu d’Esposiciones y Congresos acoyó la Xornada de clausura del programa Actívate
02 setiembre 13:32 2017 Imprimir

El conceyal d’Empléu, Rubén Rosón, despidió la segunda edición d’esti programa empobináu a paraos de llarga duración mayores de 45 años n’una xornada na que se punxo en valor el trabayu que realizaron los más de 70 participantes mientres los postreros seis meses.

El conceyal d’Economía y Emplegu, Rubén Rosón, participó esta fin de selmana nel  Palaciu d’Esposiciones y Congresos nes Xornaes de clausura del programa d’emplegu Actívate empobináu a paraos de llarga duración mayores de 45 años. El Conceyu d’Uviéu desenvolvió mientres los postreros seis meses un total d’ocho programes formativos nos que participaron más de 70 persones.

Según sorrayó’l conceyal, estes xornaes sirven para “poner en valor l’esfuerzu que realizaron a lo llargo d’esti mediu añu”  y que supon un aforru real pal Consistoriu al realizar trabayos pa centros sociales, la casa de la Muyer o inclusive meyores  nes instalaciones eléctriques y na acústica del PEC. Per otru llau, esti alcuentru sirvió pa dar a estos participantes “un adico d’esperanza” al avera-yos sectores empresariales ya industriales de la ciudá que dieron oportunidaes llaborales a perfiles profesionales como los suyos” y enseña-yos amás que’l Conceyu ufiérta-yos otros itinerarios formativos.

Pela so parte, Luisa Pérez, directora xerente del Serviciu Públicu d’Emplegu del Principáu d’Asturies, calificó’l programa Actívate como “tou un ésitu” yá que na pasada edición, la tasa d’insertamientu de los participantes algamó’l 43% a los seis meses de rematar la formación y el 64% al añu.

  Categories: